DEUDDEG milltir o afon wedi ei hagor i eog a brithyll diolch i'r brosiect £250,000. Am dros ganrif ‘roedd y gored 16 troedfedd yn yr Afon Clywedog ym Mhontuchel ger Rhuthin wedi bod yn wrthrych di-fynd heibio i bysgod ond erbyn hyn mae Asiantaeth yr Amgylchedd wedi adeiladu llwybr sydd yn eu galluogi i fynd heibio'r gored a nofio ymhellach i fyny'r afon.
Dywedodd Julian Bray, rheolwr prosiectau gwarchod pysgodfeydd i'r Asiantaeth nad oes unrhyw wybodaeth ynhlyn a pham yr adeiladwyd y gored yn wreiddiol ond fod dyluniad y llwybr newydd yn dechnegol yn gymleth a thrylwyr iawn.
Mae gan yr Asiantaeth arian o raglen ariannu amcan un er mwyn ehangu gweithgaredd mewn afonydd trwy Gymru, ail greu cynefinoedd naturiol a gwneud pysgodfeydd yn haws i'w cyrraedd.
“Wrth wella mynediad i fyny'r afon i bysgod sydd yn mudo, byddwn yn gwneud gwelliannau amgylcheddol mawr a ddylai fod o fantais nid yn unig i'r stoc bysgod ond hefyd i'r gymuned leol ac i economi ardal afon Clywedog ” meddai Mr Bray.